Montessori/Jelic Class Level 5 (五歲兩個月)

2011.07.14    恩祈完成了Jelic Class的level 3 而且跳級上level 5仲有一張I.C 出的在學證明，描述了她這兩年在這裡的表現。

恩祈自兩歲起上I.C的Toddler class再加上兩年的Jelic Class.整個人的行為思想上改變很大，由之前的"無時停"都現在有良好的專注力和懂得尊重他人，都是最大的得著，好多謝Miss Helen的耐心教導(她和我)，不過由於恩祈升高班後會轉全日班，因此也會暫停每周的定期上課，改為有學校長假期才可上堂，都可以說是暫別了。

恩祈亦很喜歡Miss Joyce

很多人問我甚麼是蒙特梭利甚麼是Jelic我都不能正確回答學到甚麼(港式父母急功近利總要有學有所成同有成績看)，不如看下面恩祈這年多的學習照片，聰明人或會知道答案的。

2011.02.18    呢個我要講吓，佢在呢日自己完成1-100版，叻叻！

2011.06.24    呢個都係好叻，學識綁鞋帶，唔駛做"港孩"！

I LOVE YOU YANKIE

青松小學學前英文準備班

2011.08.20    今早帶恩祈去青松小學參加學前英文準備班，體驗到小學的生活。

恩祈被編到1D班，班上還有兩位是幼稚園的同學，跟小學上課一樣，一節課有35分鐘，這個早上共有四節課加一次小息，讓我重溫小學生活(但以前當然沒有如此舒適的學習環境和可親的教師)。

頭兩節是英文遊戲和英文課堂，第三節是音樂堂(音樂室很大老師也非常優秀)，最後一堂是Phonics.

這個特別的英語教室好大好靚(足有兩個教室大佈置得很富玩味恩祈話似playroom)外籍老師Miss Wendy好搞笑又富愛心，睇吓個個小朋友全程都笑到見牙唔見眼就知上課上得多愉快。

這間小學最重德育同校風好，我揀定它了！當人人都衝出去考名校為爭位而煩惱，我就認為德育愛心同"近"屋企係最重要......真係有種"眾人皆醉我獨醒"的感覺。

幼兒陶藝創作證書班畢業

2011.08.17    五星期的陶藝證書班結束....

製作兔子筆插、青蛙小杯、小豬小貓匙扣、拉坯初探、上油

恩祈話頭三堂係搓泥做製成品，第四堂真的用機搓陶泥(即係拉坯)，今堂就上色。我覺得兔子筆插做得最靚(初頭還以為是貓)，而青蛙就唔係幾似，不過佢話全部都係佢親手做同畫面孔，咁我又覺得佢只有五歲都做得好好。最緊要係佢好enjoy過程同話好玩好鍾意呢。

之後佢繼續在社區中心借玩具同其他小朋友一齊玩。

要好專心至可叠到啲雪糕球咁高，都唔易的。

恩祈的暑期生活

 

(2011.08.01)

除咗出街玩外，在家都有啲活動。

砌吓1-100版，分單數同雙數都好易，玩買賣遊戲找換時學加減數。

喜歡砌Lego.今次砌了三款鐘，仲話其中一個係英國大笨鐘。

玩泥膠亦係佢另一樣好長情的玩意，看她弄的假指甲同手錶都好有創意。

學彈琴都學得好開心，好鍾意個Miss.Jo Jo成日問係唔係星期一想見到佢。

佢話練咗好耐至腳尖掂到頭的芭蕾舞技巧。

學游水方面有些進步，起碼完全不畏水，一星期才上一次堂算係咁啦。

不過咋日教練同我講，話恩祈可用浮板游一個池(25米)，進步好快呢 ​！

畫畫簡直係佢強項，日日都畫好多，好過睇電視(不過佢都好鍾意玩電腦)。

最近至愛玩的森林家族場景角色扮演遊戲。