全家遊馬來西亞新加坡@2015.01.29 DAY 1 新山Legoland Hotel

 

2015.01.29 SQ891 HKG/SIN 1230/1620 由新加坡包車直去馬來西亞新山，天來海鮮，Legoland Hotel check in 住兩晚

 

今日一家四口出發往新加坡旅行，主要是去馬來西亞Legoland主題樂園遊玩，搭單去埋新加坡食吓嘢。

 

在機上順道同婆婆預祝87歲生日！

 

雖然她有腦退化轉眼就忘記了，但此刻快樂無價！

 

landing後預約好的輪椅已準備好，但婆婆只坐了十多分鐘，一過完海關要等行李時她便立刻起身行來行去。在屋企像死蛇一條，怕她行得辛苦至比架輪椅佢坐。估唔到阿媽一去旅行，即刻龍精虎猛，又行得又超食得。

 

 

 

五點左右搞掂出來，book咗Jason的車接我地即刻過馬來西亞的新山市(SGD$90一程)，連過關(不用下車，正！)個半小時到咗天來海鮮，司機推介，話新鮮ｄ

 

胡椒蟹好正，婆婆食海鮮食蟹仲勁過我，埋單MYR255.4(約港紙600元)

 

食完搭多十五分鐘車，八點左右到達連住兩晚的酒店，也是今次旅行的重點: Legoland Hotel Malaysia！

 

一入電梯就有驚喜:燈光和音樂尤如80年代的disco風格

 

淡季個多月前訂星航來回機票每人連稅只要千五蚊，而酒店千三蚊一晚仲包最多五人早餐，抵。

 

 

周圍都Lego公仔和佈置

 

我們訂的是Adventure room,位於二樓

 

Upgrade了房間，升格為：

 

Premium Adventure themed room

 

好有埃及盜墓feel,啲牆紙非常立體逼真，裝飾也很靚。

 

好大好漂亮，分隔了大人房和小孩房，各有電視，碌架床有三層，一間房可睡五人呢！

 

恩祈當然很興奮。

 

她第一次瞓碌架床，但開心到瞓得唔好。

 

大人房可鎖上門，終於有啲私隱。

 

洗手間內有小孩專屬洗手盤，讚！

 

 

小孩房內有個尋寶箱，要答三條問題至有密碼開鎖，個寶箱開左好耐，終於取得三件寶物如上，冇Lego friends禮物，適合男仔多啲。恩祈一見到個Star Wars黑武士即刻掉到好遠，話好核突！

 

仲有一大盒Lego任砌任玩。小孩包唔悶。

 

全部都是Lego logo