我哋在曼谷住Arami Domuang Hotel在舊機場到市區要大半個鐘，永安話係四星豪華級，我估二、三十年前應該係五星級，酒店大房間大床大，但間房日久失修又有霉味真係三星都冇啦，張床有pattaya Ibis Hotel兩倍大，我同恩祈得瞓到三份一，想叫婆婆一齊瞓點知佢同房話好驚求佢要番房瞓，房啲燈半夜閃閃吓我都好驚唯有攬實個b瞓，第二日至知原來只係停電至冇o甘怕......不過間酒店的早餐同服務就very good.
恩祈話呢度啲早餐very good!so good!
今日嘅重點行程就係Siam Park City啦，得永安有此行程，好啱細路，面積好大玩咗半日。
首先乘船參觀新開部份Safari Adventure非洲冒險世界，似Disney的森林河流之旅但係大好多，都係啲假嘅會郁會叫的野生動物，好密集對恩祈來說就好睇過真嘅野生動物園，因為好近好清楚，可以逐個介紹個名同生活形態。
跟住坐小火車睇另一邊的動物，恩祈好開心，但對大人嚟講就會悶啲。
仲有另一個theme park--Jurassic Adventure侏羅紀公園，坐吉甫車穿越叢林睇各式恐龍。
小心婆婆就被恐龍咬到個頭啦，唔好呀！
食飯前仲有啲時間去Kiddy Land坐戰鬥機同小天鵝等，冇人玩架，有人玩先開機玩到你話停至停，大人仲有似海洋公園的機動遊戲玩，有過山車、海盜船、跳樓機，仲有雙層旋轉木馬double deck merry-go-round同亞洲最高摩天輪等。
在園內餐廳食完buffet後，就去Water Park玩啦，只係玩咗兒童池同呢個wave pool.有啲人造浪打過嚟對恩祈好刺激，個天烏雲密布玩咗一陣頭都未濕就走啦，沖完身就落場大雨，幸好遇着好心送石油氣的貨車送我哋出門口，如果要我哋行要成半個鐘就慘啦。so lucky!
上車又瞓咗個半鐘，又skip咗一個shopping點，瞓醒就去行吓皮革廠，個sales向恩祈落力sale呢兩個小蝴蝶袋......跟住我哋就自費每位450銖(自己去買要750銖超貴)去位於著名的商場Siam Paragon底層的Siam Ocean World.
Siam Ocean World 話係全東南亞最大之水族館，但去得多Ocean Park個海洋館就覺得不過爾爾，同沖繩海洋博更加冇得揮，就當同小朋友老人家去行吓啦，個touch pool真係只准touch唔准拎起架，恩祈只好摸摸海星。
同大海龜say hello!
有啲搞笑位，個微波爐同雪櫃內都有魚仔遊內遊去，下面個電視可伸個頭同啲魚合照，見唔見到婆婆係入面俾條魚錫呀，我冇落flash 都反晒光。
其中有Deep reef 潛水員和小丑的互動變魔術表演最精采，恩祈睇得好留神同拍爛手掌。
有少少時間又上咗玩具部玩，裡面又大我哋又趕時間婆婆話我識得搵番出嚟好叻。
食完餐恩祈話最好味的一餐(間餐廳幾靚又對住河景)後己經攰到冇命，仲要行曼谷夜市night market都係賣啲精品，好多鋪仔好少遊客冇心機行，要行成個半鐘，我哋行咗半個鐘捱唔住搵到架旅遊車上去休息，恩祈又在車上瞓到番酒店，番到房成十一點啦，好彩明早free time唔駛早起身。
沒有留言:
張貼留言