兩間幼稚園面試成功

2008.11.08    因為幼稚園面試日11月1日我哋都去咗旅行，就安排咗8號面試，首先早上0915am去保良局張潘美意幼稚園interview,好少人好快就到恩祈，佢玩到好精神，表現好好，一見老師就自動叫"老師早晨!"又唔該前thank you後，我冇教定佢，佢平時都係好口乖架，又指住天花板上面啲英文字母讀，真係掂晒啦！

十點至趕到青草地番playgroup.今日係唱遊同普通話為主，放學後聽聞青草地只剩下午班有位(因為上周首輪面試係即時通知收生與否)，就冇興趣面試，同鈞澄上樓上的聖公會睇吓同活力幼稚園玩吓，點知青草地打電話比我叫我放心，話留咗上午班啲位比我哋番playgroup的學生，就又落去interview.

今次恩祈就顯得好攰同冇心機，同老師講完早晨後就只集中玩配對形狀的玩具，老師問佢鍾意食乜嘢佢當聽唔到，仲想幫佢完成配對，我即刻阻止叫佢俾恩祈自己完成，恩祈當然能完成，我最討厭幫細路其實係害佢，跟住老師又問相同問題冇變通，我知o甘係唔掂就順手指住牆上圖畫話唔知係乜嘢嚟，恩祈一望到就搶住答:carrot.我話隔離呢？佢就繼續：banana香蕉apple蘋果......老師就興奮話：妳識好多嘢呀！(唔係話？o甘簡單都唔識)我又隨口問恩祈：妳爸爸叫乜嘢名？幾多號電話？答咗之後老師就話o甘都識？(妳唔識問啫)我知夠啦就等排隊交留位費$400，通常都收架啦。

過咗幾日保良局有信到都話收咗恩祈讀上午班，我好開心，因為聽講成百幾人爭六十個位，而且係面試表現好至收讀上午班......又交咗$500留位費。恩祈好細個嘅時候我係覺得青草地較適合佢因為當時佢好活躍坐唔定，想有個大啲嘅幼稚園比佢活動同玩得開心啲冇o甘大壓力。但係今年佢明顯變咗好多同好學好多吸收又好，有時比啲K2嘅書佢睇教佢都明，保良局的課程係深啲，而且我比較鍾意佢有外籍老師駐校教英文同行奧福音樂教學法(Orff music即係montessori教的音樂)，同老師傾佢哋有熱誠同贊成比小朋友自我探索，唔會死板灌輸，加上研究過佢哋嘅課程同得閒就在門口觀課，啲學生除咗開心同投入外，仲見到佢哋跳舞時表現得好有信心呢(我最buy有自信心呢樣嘢)。

如果番青草地有鈞澄做同學，如果番保良局就有悅晴做同學......有咗兩個籌碼，出年又睇吓恩祈的發展，邊間較適合佢至算咯。