番禺長隆兩天自由行 @ day 1 2012.09.30

2012.09.30 長隆酒店→長隆歡樂世界→長隆大馬戲

今日一家四口出發往番禺長隆酒店度中秋
我地好幸運，原來公衆假期番大陸好塞車的(恩祈升了小學所以還是第一次假期去旅行)，去程個司機話正常去長隆條路由半夜一點已開始塞，四五個鐘都唔郁得，佢話試吓行第二條路(行多半小時)，结果完全冇塞，十一點到長隆，第二日離開又係，都不用兩個鐘就到左黃崗口岸。



四年前同恩祈來已經係住長隆酒店，今次就住新長隆酒店，一間房的二人套票就要$2950！(假期足足貴了一千元)
120cm以下全部樂園免收費。

到酒店餐廳彩蝶谷午飯。

有房了！就是這間好大的狩獵房。

婆婆留房間休息，爸爸落酒店泳池游水，我就帶恩祈行十分鐘過去長隆歡樂世界玩。

呢度都幾大，今日陽光普照，好在中秋已秋涼，好乾爽。
入到哈比兒童王國，啲玩意有啲"娘"但恩祈好鍾意，又唔駛排隊半個鐘可玩到三樣機動遊戲，佢玩得勁開心。

入到這個室內樂園，恩祈最愛玩呢個高射炮。

仲有好多遊戲同機動車都任玩。

食個雪糕睇巡遊，最後睇埋4D影院 "冰河世紀"至離開。

番到酒店大堂會合婆婆同爸爸，再到鱷魚吧食嘢。入面有play area for children.It's nice for family.

六點多行去睇今次的重點節："長隆大馬戲"。

酒店住客有VIP位坐最前方，七點半開場，我哋早一小時覇位，第四行左右位置絕佳。

馬戲非常非常精釆和熱鬧，中途間場常有小丑擲公仔，恩祈都接中一隻白色bear bear.

真係好值得睇，一家人非常愉快的過了一個中秋節晚上。