離開東方村後又上番架的士，半小時後抵達Tanjung Rhu Beach.去咗間沙灘邊的馬拉餐廳食嘢，我初時以為是食thai food.點知係馬拉人整的Asian food雖然好平但難食到死呀！
呢個灘話係浮羅交怡最靚的，可能好曬又唔多覺靚，見有時間我就叫司機車去埋附近的Four Seasons Resort行吓，佢話好近真係幾分鐘就到。
嘩！呢度就真真唔同啦，同係Tanjung Rhu Beach.四季酒店個私人灘就靚到痺！
一走入去酒店啲員工極友善，雖然只係visit但感覺似VIP.認真介紹之餘又比你自由去行去睇，好舒服。
係啦，恩祈一入酒店範圍就興奮地問今晚係咪住呢度？我就話等妳大個請我先啦。呢度大多數都係villa最平的房間都要成五千蚊一晚，係浮羅交怡最Luxury的酒店，而且私密度極高，我哋連一個客人一間房都見唔到，最啱情侶住但就唔多啱family.
一睇就知係雙人吊床。
能夠係呢度食餐晚飯(但唔要隻馬騮)就太好太浪漫啦。dreaming....zzz
玩吓朝花夕拾。
四周圍設計都好獨特，洗手間都好高檔。
有啲中東風味.......我同恩祈周圍逛好enjoy但daddy就好唔自在，話又唔係住走嚟搞搞震，係咁催我哋走喎。
離開人哋嘅天堂返回我哋嘅人間......係時候同包車司機叔叔同埋美麗的浮羅交怡島講聲再見啦！早咗到機場，同當地華人傾咗陣計(佢哋好friendly冇戒心電話號碼都可以比你)，print埋broading pass後上二樓餐廳食嘢，比K.L.機場平啲但仲好食啲。
恩祈由上機到落機到上的士都一路瞓，一日行程好充實難免勞累。行落機後買taxi coupon(Rm.75)到上的士都係十分鐘內搞掂，除咗坐Air asia都好難做到。
在的士上見到的雙子塔夜景非常美(仲有圓圓的月亮陪襯)......大約50分鐘到咗吉隆坡市中心，好快呀！抵達酒店已是晚上11時15分，恩祈好叻一叫落車就彈起身，瞓咗兩個幾鐘精神晒。本來約好上次去泰國的團友Zoie在lobby等去食宵夜，但見唔到佢喎，上咗房放低行李問恩祈仲食唔食宵夜，佢居然話去。
又落樓下截的士去阿羅食街Jalan Alor，我開價十蚊到第三架的士至綵我，原來周末夜晚好塞車，塞咗半個鐘至去到，見個meter跳到十二、三蚊咁我就照meter比番$司機，佢仲話等我食完車番我走。(見佢咁善良冇呃我$就叫佢明天車出機場，佢開心到呀)
我哋去咗最出名燒雞翼的黃亞華小食店，點知啲雞翼係雞脾仔燶都唔好食食唔晒，其他奶油蝦、魔鬼魚同炒河粉就好好食，原來魔鬼魚肉好滑又好味(諗番上次去澳洲啲魔鬼魚咁得意真係過意唔去)，但係就有啲貴，連埋青檸話梅汁差唔多成Rm90(約hkd$250)！
恩祈都冇乜食到又苦瓜口面，原來佢肚痛又唔敢出聲，好在呢度有廁所仲好乾淨。出來後有人推銷翻版碟，係咁推介Dora又真係幾平又多款，但我唔鐘意比細路睇電視而且屋企已有幾隻正版Dora.不過我都買咗張阿拉丁，因為自己嗰張一早唔見咗買番補數。
條阿羅食街越夜越熱鬧，又要塞番大半個鐘番酒店，成半夜兩點至上床瞓覺，明早仲要七點幾起身去食肉骨茶呀！
沒有留言:
張貼留言