今年最後一次去廸士尼@2009.09.04

由於廸士尼年票要到期，已經玩咗兩年加上恩祈開始上學，因此暫時不再續期，待廸士尼再擴建至玩過，恩祈都好明白，話等佢裝修完至嚟。

因此要玩晒所有嘢，恩祈已經安排好話要玩：Pooh Pooh、4D、小小世界、Golden Mickey、史廸仔，連佢最驚玩的巴斯光年都唔放過。今日天氣酷熱，樂園內得好少遊客，港人更少，係完全唔駛排隊個隻，雖然平時嚟都唔多人，但真係未試過o甘少。

姐姐派啲Ariel貼紙襯晒恩祈條Ariel裙仔。

天時暑熱都係玩水至爽！