婆婆生日去南丫島漁民文化村+天虹食海鮮

2011.03.12(二月初八)    今日係我媽媽即係恩祈婆婆82歲生日，上面張相係恩祈影嘅，係咪好靚女呢？佢老人家身體健壯又好玩，真係我哋嘅福份。

今朝等恩祈上完跆拳道同畫班(真忙！)食完lunch換件衫出發到尖沙咀，有專船去南丫島，因為恩祈最近本書"假日遊香港"講南丫島，就順道去活動教學吓。

好似遊船河咁，今日天氣又好(春天難得有咁好天)，望吓周圍香港的迷人景色，一流！

半小時後望到南丫島的魚排啦，一上索罟灣碼頭就買票去參觀南丫島漁民文化村。

要坐一分鐘駁船上魚排。

有導賞員介紹海洋生物的特性，上面係漲咗的bb雞泡魚下面係bb海膽的嘴巴。

上面係馬蹄蟹，下面恩祈手持的是海星bb，多可愛！

以前係所有生物都可手持拍照，但現在已禁止了。上面恩祈張大海星合照係我講好話至快快趣借來影下，恩祈居然話唔想揸住啲海星喎。下面摸的是唔知乜嘢鯊。

上到古漁船望吓漁民船上生活的實況。有主人房、花仔房、花女房、廚房廁所齊晒。

嘗試升帆後導賞員幫我哋影相。

恩祈扮船長！

試咗無鈎釣魚，得啖笑。

好少有機會上龍舟做鼓手。

恩祈同daddy輪流做龍舟鼓手同扒龍舟，好得意又搞笑！

 

 

唔知條大鹹魚有乜好影？

玩咗兩個鐘番去索罟灣，想行去天后廟，途中在海鮮街見到有新鮮熱辣茶果，即刻覺肚餓要買嚟食。

去完天后廟就約埋阿哥阿嫂去最出名的天虹海鮮酒家陪阿媽慶祝生日。

叫咗四人套餐再加四樣散叫。

啲海鮮樣樣都好新鮮好正！右面個水煮牛肉片個個一掂就縮手，係超勁麻辣，我鍾意到死，打包返屋企撈飯食咗三餐。

上湯焗龍蝦係最好味的，果皮蒸飽魚三十蚊隻抵食係恩祈至愛。

條班都鮮甜，啲嘢雖然貴啲(埋單千五蚊)但好味又唔太細碟，仲食唔晒打包走，啲員工都好有禮貌可能做開遊客生意。

最後當然有壽包，祝婆婆長壽健康，佢今日好開心！

食完搭番天虹隻專船番尖沙咀，成班VIP咁！