Fun @ Mega Box

2010.09.25    今日等恩祈在 I.C.放學後就帶佢去一個傳說中會令小孩瘋狂的地方---Mega Box 九樓的 Play House.

其實入面好似幼稚園的體能室+會所kids club的玩意，而且地方不大，只適合六歲以下小朋友，我就覺得麻麻哋，不過恩祈開心到顛。

魚眼鏡效果下的波波池。

呢條滑梯恩祈不停的爬上去玩，玩咗連續十次。睇佢個樣就知幾刺激。

玩咗一個鐘daddy放工到咗，幾辛苦至叫到佢走去食嘢。

求其去咗間"小飛象"，$28個茶餐叫咗兩set幾抵食又好食喎。

間餐廳地方好闊落，仲有個kids area有嘢玩又有卡通片放，食得我哋兩公婆不知幾舒服呀！

下一站去Ikea.原來呢度又有個兒童樂園，仲有專人照顧，比例係1對5個小朋友，可以放低半小時開心到我哋呀！我哋唔係去拍拖，我哋仲有個重要任務，就係落樓下間Jusco買番部電視比婆婆，佢房部壞咗好悶呢，買完剛好上去接番個囡。

繼續去宜家傢俬玩.....

估吓我係邊個？

木製玩具廚房。幾百蚊抵玩，不過好重。

運完吉後諗住去Ikea餐廳又食啲嘢，呢度又有比細路仔玩的area.對父母實在太好啦！

瑞典肉丸同兒童餐意粉都好正，又平到笑。

恩祈唔肯戴個圍巾，佢話自己大個唔會整污糟，不過太得意啦。

再落去Jusco買啲玩具成九點幾啦，經德福搭車返屋企，個個都攰死。

溫馨提示：最好平日去Mega Box.假期人山人海，以上兒童節目都會full到冇得入。