恩祈第一次放狗

2011.03.20    今日約咗位失散十幾二十年的老友Jenny見面，我哋係在FB度再重遇的(事實已有好多舊同事舊朋友甚至舊團友都搵番)，佢仲帶埋佢兩個寶貝出嚟----玩具貴婦犬波波同白色比熊犬饅頭。

Jenny教恩祈用狗繩拉住饅頭行，雖然佢唔怕狗都有摸過，但如此重任就第一次，比熊犬出名溫順，但恩祈太輕力成日比隻狗拖住走。

咁多年冇見，Jenny好多好多嘢同我講，佢聰明成熟得嚟又好搞笑，恩祈乖乖的坐着不出聲，我話不如帶佢去Jenny個clubhouse玩，佢就開心到成個彈起。

我教恩祈拖狗要用力拉同控制住佢，唔好由得佢哋亂走，佢好快就領會得到，拉得住阿饅頭，咁Jenny居然比多隻"喪波"佢拖，又o.k.喎，一個細路女拖住兩隻靚狗狗，一路行番去都惹途人注目。

恩祈好鍾意饅頭，仲話因為佢個樣似饅頭所以叫饅頭....好似個名係佢改咁，佢第一次放狗咋，佢平日都好怕事，但呢日表現得好有勇氣。可能咁啱佢呢期課本叫"寵物寶寶" ，啱晒個主題，老師都有教點照顧到狗仔。

啲狗仔衫仲型過人仔衫。

波波個樣冧晒！