恩祈的三個鬼妹仔新朋友

2010.07.22    今日約咗Yennie同佢三個囡出嚟玩。我哋又係由blog友認識，佢好叻女，輕易湊掂三個乖女(我哋湊一個都索晒氣)仲識做好多手作仔(乜嘢蛋糕都識整)，真係做媽咪的偶像...........見就見過好多次但只係閒聊幾句，今次至係第一次約會。
佢仲親手做咗個頭箍送比恩祈(真係勁，買都冇咁fit)，大女影曦一見恩祈就好friend.簡直一見如故，一齊玩 princess.

恩祈平時唔多鍾意bb.但係見到五個月大的舒韻咁可愛就肯抱佢同佢玩。

恩祈仲同舒韻度臭豬腳。

呢三個女真係天使嚟，乖到呢.......唔會扭計又獨立，卻又不失天真活潑，見得啲麻煩"港孩"多，見番啲真正令人開心的小朋友，真係好舒服。

二囡靖翹成個大bb咁，啲肉實嘟嘟得得意意，點睇都唔似就嚟三歲。

鬼妹仔bb特別得人歡心，呢個舒韻剩係識笑，唔喊唔扭抱嘅bb從未見識過，Yennie真係好運，啲女咁乖連bb都冇脾氣，唔係小天使係乜嘢？

年輕幸福的媽咪亦很可愛，有晒鬼妹的爽朗性格。

佢哋屋企有好多女孩子玩意，恩祈好鍾意玩。走嘅時候又同影曦嚟個big hug.