2013.08.01 晚上才展開五天之旅序幕，原定1955起飛，卻超過這時間才上機，Air Asia係好準時兼有早冇遲開機的，只有我地機場工作才明白全是ATC Hold的關係，即係航空交通管制，北京上海常如此，如今香港也是，全怪空中交通太頻繁吧！
隻機雖然好細又窄，但係新機嚟架，好乾淨！
到咗曼谷舊機場揾到接我哋嘅司機已差不多晚上十一點，兩個鐘車程後到芭堤雅，在Ibis Check in 後過對面馬路揾嘢食，結果全部都準備收擋，只好入Family Mart買嘢食啦。
2013.08.02 瞓到成十一點至醒，就輕輕鬆鬆地落酒店樓下餐廳食午餐，間酒店五年前新開時同恩祈跟團時住過的，平價酒店(平均二、三百蚊一晚)來說非常好，地點也很方便。
有Accor咭半價，咁多嘢食加兩杯咖啡只係400 Baht(hkd$100)
由當地人帶路，過對面馬路穿過商場就到了3D博物館 Art in Paradise.佢地收費好浮動，原價大人好似300-500Baht一位，今次兩大一小收我地800Baht.本地人仲平好似半價。
估唔到入面咁大，行咗成兩個鐘影相，有太多場景......
佢地兩父女超投入同超搞笑，相當配合3D畫中劇情，表情十足，佩服佩服！
其實只係一種視覺上的幻覺。
終於行完，中午天氣熱都係番酒店泳池游水，我就瞓覺。
黄昏再出發搭兩排車去Beach Road
行亞洲最大的沙灘商場: Central Festival.....買蝴蝶袋做手信同玩機動遊戲，10Baht咋！
食日本嘢超平。
行前去Royal Garden Plaza...恩祈好驚入面啲鬼怪嘢呀！
跟住又直行去舊Mike 旁的炳嫂買手信食物，行到腳跛老公要買到才肯番酒店，唉！
沒有留言:
張貼留言