親親動物農莊 Happy Farm@AsiaWorld-Expo

2010.07.30    今日去咗亞洲國際博覽館睇Happy Farm.雖然睇過web site嘅map都早估到唔會好玩，不過住得近又有免費門票就去睇睇....感謝又係由Jason daddy車我哋去，做咗第一日最早入場人士。

真係少動物得可憐，又樣樣要$要排隊，騎馬走一小圈就要$70仲要唔比自己影相，上次恩祈去新加坡騎pony都平佢好多。

恩祈都好成功，餵咗一隻巨龜食菜，佢從未試過咁夠膽。

好期待的餵羊bb節目........$40一支稀過米水的假奶水，雖然我覺得搵笨，但係我從未見過恩祈對動物咁認真，帶過佢去好多個動物園佢都好唔鍾意，我仲以為佢好討厭動物，實情係真動物園環境令佢受驚(唔知點解)，而呢度佢話唔臭啲草又好香，好鍾意呢度，真係氣到我"啤"一聲。

成邨人去餵兩三隻羊仔，就算幸運地隻羊仔肯飲，都只係掂一掂個奶咀，都唔係奶點會飲，同澳、紐啲羊仔追住你樽奶十幾秒飲晒真係天淵之別，騙到人仔騙不到羊仔。

可憐兩個小朋友追住去餵又好有耐性同愛心，支(奶)水係未郁過又被收番輪到騙下一位啦。

除咗餵羊bb之外，恩祈玩得最開心就係呢個Art Jamming.初時因我唔知係乜嘢要成$120覺得好貴，點知恩祈又好想試而且又幾得意喎！

佢首先著上圍裙攞住調色板去揀喜歡的顏料，跟住就在畫布上自由創作。

恩祈的畫作完成了，係一幅畫板可掛在牆上呢！另一邊Jason仲繼續，睇佢畫得幾有風格呀！

跟住職員就將幅畫釘在紙盒內待乾，睇住自己的第一幅畫作幾有滿足感呀！

雖然呢度係唔多值得去，但睇見細路話開心就o.k.啦。