同魚魚做咗好朋友

2011.06.24    魚魚個細妹出世咗個零月，今日去咗佢屋企探bb.之前先去Italian Tomato食個Cake tea set先。

佢兩個玩得好開心，兩個媽咪又傾得好開心，玩到九點幾至依依不捨地離開.....

點知上次傾到忘記食薑醋，咁一星期後的七一假期又乘機再一齊玩，先在深井食lunch

再行落麗都灣玩沙，個灘好污糟唔可以游水的。

今日好天得來又唔熱，幾好！不知不覺間玩沙倒水就玩咗兩個幾鐘。

恩祈同魚魚daddy負責攞水，佢兩個幾襯色！

對面就係馬灣，有晒汀九橋同青馬大橋的景色。

跟住又去佢屋企食咗史上最美味大煲豬腳薑醋，果然係真材實料冇加水。個幾月都留比我，仲要又食又拎走，非常感動....而兩位小姐就玩佢哋的私人電腦。

雖然佢哋一個三歲一個五歲，但智商差唔多好啱傾，恩祈仲畫咗魚魚個樣呢。