2013.05.17 Breakfast @ Royal Club Lounge
食完落海灘玩，有舊黑雲飄過下了幾滴雨，之後就陽光普照晒到燶！
老公捉恩祈學玩浮潛，初時她不肯但試過同掌握到技巧後.......居然愛上了！
我地雖只在淺灘玩，但都有唔少魚，尤其一放麵包到水後.......睇下段片，魚群馬上搶食！
剛滿七歲已享浮潛樂趣了！
關島的海水，連人來人往的淺灘都咁清，別處少見，配上藍天白雲，太美了！
一到一點，即帶恩祈上Kids Club.
這兒的Kids Club與之前去過的不同，不是隨時可進去只玩玩具咁簡單，分上午同下午兩節，有Clubmate哥哥姐姐帶各國小孩一齊玩游戲，去泳池游水，同埋去教堂附近坐牛拉車(以上節目由恩祈敘述)，五點前我地才去接番佢走。
太熱了，我一個人上房拿些凍飲下去，從露台望下去的景色。下面是PIC的結婚小教堂。
遠眺情人崖/戀人岬
落番海灘會合老公，佢話游出啲有珊瑚礁，我游出去，係靚好多，但是太淺太近又有暗湧，我好害怕割到身體(因我冇著救生衣水流又急好怕割到肚皮)，結果.........我只好站起來固定一下身體同心情，果然好淺水，而站著的就正正是一塊珊瑚，真是罪過罪過！
游番岸上唔玩了，又趕去參加一早報了名的人魚共游Swim-Thru Aquarium，這個Scuba Pool人魚共游池全球只有三座，PIC是其中之一，對它期望好大，但是失望也很大，游完海再來人工池游，啲魚不是多很多(只是有些大條啲)，而且不是活水很濁，加上個潛鏡勁入水卻要一直向前游到終點，只是十零分鐘也難受死了
兩公婆見未夠鐘凑女，繼續去玩獨木舟，好好玩，啲水又清，好有少年Pi 的feel~~
接番恩祈番房梳洗後，行去對面斜路上影這個I love Guam標誌
今晚吃牙買加燒烤料理.......
個Steak+Shrimp好正，另外一款烤雞配牛也不錯，好大碟，紅米飯也好味道。
晚飯後步行十分鐘到Ypao Park參加關島一年一度的Island Fair.是當地盛事仲有放煙花呢！
同原住民查莫洛人Chamorro合照，佢哋好似係波里尼西亞的分支。
Yankie and Coconut Crab
然後，又差不多九點，飛車去Tiffany.
快快趣買了Tiffany blue heart~~頸鍊給恩祈,手鍊給自己.....大約是香港的八五折！
冇時間找Chanel了，嗚！我的手袋啊！
沒有留言:
張貼留言