好朋友 Jason 3歲生日會@藍天海岸會所

2010.09.26    今日Children's Church又係我做teacher.今次冇咁緊張，除咗介紹係全英文之外，其他都係一句中文一句英文都o.k.不過我都唔係一個好老師，備課不足......算啦，應該都係最後一次，因為下個月起我要番工啦，恩祈以後要同婆婆兩個人去Church.

逢月尾Church都搞Birthday Party.有禮物又有Novotel酒店供應的食物。

跟住去藍天海岸會所，婆婆扮嫦娥，恩祈扮玉兔。

Jason生日會準備中，我同佢哋兩個去clubhouse玩。

Jason同Yankie而家係對方的最好朋友，因為佢哋好夾又好尊重對方，好多大人對朋友都未必做到呢點，可能佢哋都Montessori kids啦。

恩祈見到Jason張相，叫佢做隊長。

啲自製食物好食過外賣食物好多，尤其秘製雞翼恩祈同我食完一隻又一隻。

仲準備有吹氣滑梯同令小朋友雀躍的多功能爬架。

繼續食食食.......

第一次唱完生日歌吹蠟燭比人吹熄咗先，到第二次Jason金睛火眼望到實，終於由隊長完成任務。

Yankie揸住紮汽球祝老友生日快樂！雖然Jason只得三歲，但係佢E.Q同自理能力都非常好，值得學習。

請咗位姐姐扭汽球，扭咗把雨傘送比恩祈。

姐姐仲會做"水晶紋身"，恩祈揀咗小老鼠。

一大班小朋友，仲有兩位係教友(Marcus and Sean)，但係恩祈都係鍾意同Jason兩個人玩。

玩到差唔多六點離開，回禮禮物包中居然有印咗Yankie名字的印章同公主姓名貼紙，真窩心的主人家。