海洋公園史前夏水禮

2009.08.03(mon)    今日daddy生日，去咗Ocean Park......史前夏水禮！

是日係今年最熱的一日(接近35度)，除咗起初有啲曬之外，又唔係想像中o甘熱，尤其山上仲有啲風，可能我哋玩的多是室內節目，而且今日打風遊人不多公園又較空曠好過市區好多。

第一次到今年新開的"亞洲動物天地"，好好睇又涼浸浸喎！

人扮大熊貓捉實恩祈妹

小熊貓的皮毛好滑好靚。而大熊貓就攬實舊冰好疏干。

恩祈問條金魚係咪大咗肚？

去到"冰河世紀3活龍活現"恩祈居然唔怕野人哥哥，話自己大個咗唔再怕。

上到山去咗上次食過都滿意的海洋冰室，食咗瑞士汁牛河同泰式咖哩飯(又加飯)，好在用渣打咭買門票有九折同兩杯大凍啡($28一杯！)送，都要$117.

跟住落大樹灣玩"恐龍帝國"，現場真係好迫真，好多好巨型又會郁的恐龍配以嚇人的巨大恐龍叫聲，恩祈一入場就被驚嚇到要走，呢度真係好好睇又好驚。

到咗"化骨龍齊齊玩"恩祈就同daddy化身考古學家掃史前恐龍骨。

最後玩埋"石器水世界"中的"史前玩水場"玩吓水，本來想玩"恐龍泡泡派對"但要家長陪同，由於只有恩祈一個準備濕身有帶衫換，所以只能欣賞人哋玩啦！