2010.07.27 今日我同恩祈好開心，因為Yennie屋企搞咗個gathering.有成十個小朋友+2個bb.(可以想像佢間屋有幾大)，仲有好多媽咪呀姐姐都有，由朝早玩到黃昏，大人係咁傾，細路係咁玩(由玩具房玩到大廳再跳到上人哋張床都得好free)。
又有得意真bb玩，不過恩祈抱到舒韻好似有啲唔多舒服。
開始食home-made buffet啦，靖翹好鍾意食咖哩魚蛋，食咗起碼有十粒勁呀，不過又真係幾好食。
接下來的節目係Yennie教小朋友整曲奇，要有咁大張枱至夠十個細路開班。
佢哋個個都好興奮，由落牛油、糖到麵粉同攪勻，每個小朋友都有份參與。
最後每個都揀番個自己喜歡形狀的模去整曲奇
2-4歲小朋友的製成品，完成後放入焗爐。
等待期間，女孩子又嚟princess dressing show.個個都變晒公主。
佢屋企乜嘢款造型衫都有，恩祈"扮公主"病上身，見到佢最想扮的Ariel衫雖然好細件佢都要著，又幾fit喎！
連頭飾都搵到綠色襯埋，睇吓佢自我陶醉個樣幾靚.......佢好努力收埋對腳扮魚尾，最好笑佢話：Ariel唔係著件背心係戴個紫色嘅圍喎！
同孖女都玩到顛咗，佢哋好耐之前同恩祈番過一次bb playgroup。
曲奇焗好啦，新鮮熱辣好香噴噴，好快就掃晒。
好多小朋友都走晒(細個啲要瞓晏覺)，剩番我哋同孖女，佢哋玩油指甲，恩祈見到好羨慕，不過佢知我實唔比就問都唔敢問只係咁望，Yennie對細路真係好細心，佢即刻問恩祈想唔想畫面(face painting)，恩祈未試過有啲猶疑，佢就幫佢畫花紋上手先。
Yennie好有藝術天份，雖然好攰都好快就完成隻花花手。
見到隻手畫到咁靚，跟住恩祈揀咗蝴蝶圖案畫上塊面。
好靚呀！(慘啦，佢兩個女見到當然又要畫，好花心機攰死Yennie咯)
恩祈繼續同舒韻玩，舒韻見到花面貓冇話驚到喊都笑喎！
舒韻cute到爆連怕bb的人都錫晒佢(恩祈偷錫bb腳仲話有啲鹹味)！
沒有留言:
張貼留言