老公生日@八月居

2010.08.03   一家人開完澳洲茶會就行去尖沙咀海旁.......

全家最上鏡最靚嗰位梗係恩祈婆婆即係我媽咪啦今日天色好靚影維港景好清

呢度係今晚食飯地方嘅outdoor位置，幾好景不過准食煙同咁熱我哋都係坐室內

曬親個靚女又發脾氣。

老公生日，今年唔迫佢食西餐啦，啲中年男人最鍾意食中菜，但我又唔熟喎，都係食番上年Raymond請食飯嗰間"米芝蓮"嘅八月居就無錯啦。

呢度佈置、環境、用具同食物都好靚好特別。似高級西餐廳格局。

先來壺極品碧螺春。

我哋個位好正又好坐。

恩祈見杯仔得意試啖茶話：好苦呀！

我哋早去，連侍應服務都一流，餐牌解答得好詳細.....首先推介個杏汁花膠白肺湯，好香好好飲呀，有成六碗咁多，每人飲碗半，連恩祈都係咁飲，好味到停唔到口。

脆脆bb豬係我至愛，又厚肉又唔肥喎，食兩件都飽咯，而"半新還舊鴨腳包"用叉燒包住鴨腳幾特別不過我唔鍾意。

仲有擔擔麵同桶仔飯。

恩祈望出窗外見到黃昏落霞，就大嗌："媽咪，浪漫呀！"，叫我影張相。

由於之前無耐的茶會食得太多燒賣，一到又灌咗碗半白肺湯，未到尾聲個個都話好飽，但我堅持要等埋未嚟的壽桃包，生日唔食蛋糕都食吓壽包嘛，本來個個話打包番去食，點知我試咗個包話正就每人哽多一個，真係幾好味喎，結果只係打包咗兩隻。

Happy Birthday老公！

送多個香港難得咁清嘅夜景比你呀！祝你照樣月月清晒份糧比我，乖！