海景軒生日飯

2011.03.27    去完海洋公園，到尖沙咀會合埋老公到海景嘉福酒店晚飯，訂咗呢間米芝蓮一星中菜"海景軒"。

今年老公有生日禮物比我喎(佢每月只係得少少生活費咋，haha!)，已經不知幾多年冇收過因為我生日在月尾，今年佢居然仲有幾十蚊買咗個Melody指甲鉗比我(當我細路女？)原來佢留意到我個指甲鉗用咗好多年個Kitty都甩咗仲用(但嗰個係好用我好鍾意)不過佢的心意我都好喜歡。

叫咗窩例湯有成七碗咁多，唔知乜嘢葉椰子煲豬，普普通通。

呢隻花雕蛋白蒸鮮蟹鉗就係好嘢嚟啦 :)

萬壽果牛肋肉原來係木瓜炆牛肋肉，呢個就十個good啦，恩祈不停不停的食，喜歡到不得了，"淋"到冇牙都食到又好入味。

招牌玻璃蝦球，一碟要$260，大粒新鮮刀工好又味美，值十分！

即場炮製的生磨蛋白杏仁露，order兩份有成三碗。

謝謝海景嘉福酒店送的生日蛋糕。

謝謝媽媽在43年前帶我來到這世界。

多謝我的家人，我好愛你們，我真的非常快樂！

切蛋糕：希望世界和平，家人身體健康。

用白金咭除咗有生日蛋糕外，仲有支意大利餐酒送，冇飲帶番屋企。

酒店的蛋糕真係特別美味又多鮮果夾心，侍應服務一流很貼心(好多溫馨提意)比多啲貼士都值，埋單都唔駛一千蚊，一個晚飯好去處。