2010.09.18 今日在美麗的大嶼山長沙棕櫚灘，參加了一個非常特色的Party.就係Marcus的三歲生日會啦！
Plam Beach有個紅番營村可提供住宿，Marcus就在前面的大草坪開Party.
個Party係在三點開始，但係我哋早咗入去，因為daddy最鍾意游海水啦。
Marcus媽咪Angel除咗租咗個咁靚嘅地方之外，仲包埋部24座小巴接送，又特別請專人來教非洲鼓，當然連鼓都運晒過嚟.........呢度唔係市區，係大嶼山的長沙海灘喎，幾隔涉呀，為咗班小朋友玩得開心，幾有心呢！
成班小朋友落沙灘玩沙玩水，沙又白水又清。
紅番營村內有個小小泳池，深水處可以玩直插跳水，因為啲鬼仔係咁跳，仲慫恿恩祈跳呢。
同Jason興奮踢水.....班鬼仔又係度整古弄怪，
開班教打非洲鼓，阿Sir係映灣園開班嘅。
班型爸同仔女影相的型post........草坪旁個有機農場個名仲型。
天氣好熱，主人家用大冰櫃運咗好多各式各樣的冰凍飲品，真係透心涼！
仲帶咗好多home-made food嚟開buffet.有Sushi、蟹肉沙律、banana cake、意粉、生果等等，好full.
接近黃昏，沙灘上有好多人玩沙灘排球同獨木舟，Palm Beach亦係一個水上活動中心。
Yankie一見Marcus個妹Megan就話bb好靚女呀. Mami Angel笑得幾開心。
Yankie都換上非洲look(但佢話自己係印第安公主喎)，然後畫埋塊面。
Happy 3rd Birthday to Marcus! 佢個蛋糕應該都係home made.山長水遠個森林蛋糕都維持咁靚真難得，Angel仲安排每個小朋友揀一隻動物食，Yankie最想食人個"生日牌",但最終係食咗旁邊隻Koala.成大舊朱古力開心到呀！
同Jason鑽入個營內碌來碌去。
天黑了，每人派幾支螢光棒，跟住影大合照就安排有小巴接番去東涌。真係一個別開生面的生日會，多謝Angel邀請同悉心安排，又係嗰句：而家啲小朋友好幸福啊！啲生日會個個都咁精采，有得參與都係福氣。
沒有留言:
張貼留言