廸士尼遇見長髮公主同奇妙仙子

2011.04.21    復活節假期提前開始，昨日去咗Mega Box 玩滑梯、波波池、買禮物同食晚飯，Happy ！今日繼續.......Disneyland!

今日天氣好又有涼風，早上又唔多人。約咗Jason入場等但結果佢玩呢樣時我哋又玩嗰樣，偏偏碰不上。

奇妙仙子Tinker Bell第一次同佢見面呢！

恩祈發現話："魔髮奇緣"呀！我話咁深嘅字妳都識？佢話係認得啲花紋喎。

長髮公主樂佩Rapunzel啲頭髮真係長到落地呀！佢又一輪英文攻勢搞到恩祈口啞啞。

恩祈好鍾意樂佩呀攬到實.......

我都好鍾意佢呀！

高飛又曳曳整古我哋.......

好似一家人咁，不過我老公唔戴綠色帽嘅。