一天團之天水圍綠田園

2010.10.03(Sun)    Yankie & Jason一早在東盛樓前集合，參加$50一位的本地一天團。

第一站係天水圍綠田園，只停留一小時。我哋先去動物農莊look look.

雖然只有兩隻山羊同兩隻牛，但係恩祈好開心，佢第一次唔嫌臭肯主動接觸同餵動物食草，我問佢今次唔覺臭咩？佢居然話唔臭好香呀！但係今次真係好臭呀。

掛住同牛牛玩，山羊話：快啲番過嚟餵我哋啦！

恩祈又番嚟餵羊仔啦，Jason就好似以前的Yankie未敢接觸動物住。

剩番唔夠半個鐘，去玩水上單車，Donna話比廸欣湖易踩又感覺安全啲，大肚婆都係咁輕鬆踩。(聲明係佢大肚唔係我)

買咗大包魚糧，Jason同Yankie好落力地餵魚。

好多錦鯉過晒嚟，張大口仲跳上嚟爭食，好得意好好玩呢！

餵完包魚糧剛好夠鐘要上車，Jason扭著唔捨得走。

跟住又係去元朗嗰間"景福宮"食燒烤自助午餐，我食咗好多燒牛肉同丸子，勁飽。

午餐後去恆香餅廠參觀試食老婆餅，即整熱辣辣好好食，同買啲蛋卷杏仁餅番去食。最後一站係黃金海岸，去到都幾熱加上佢哋啱啱喺車度瞓醒，就去麥記食雪糕醒醒神同行個圈睇吓Sunday market啲攤檔就離開番東涌散隊。