與Chester玩轉廸士尼

2011.04.28    今日約咗Chester(聰聰)同聰媽去廸士尼。因為5月15日恩祈生日佢哋唔得閒嚟，我又記得佢哋未去過Disney.而家Annual Pass又可以加$80帶guest入場，就有咗呢個方案啦！

我哋由開場十點玩到夜晚七點，差唔多玩晒所有重點game.好開心！一入場先衝入"探險世界"玩"森林河流之旅"，冇人排隊喎，Chester細膽過Yankie有些害怕呢！

玩完後突然有朶大黃色跌落嚟。

再坐木笩去泰山樹屋探險！

探完Chester偶像巴斯光年同玩完小小世界後嘆大大杯雪糕

來張大合照Cheers :)

又睇咗4D 米奇幻想曲、The Golden Mickeys....

霸位睇巡遊

又一齊被邀請跳舞。

番去"探險世界"碧林餐廳食完雞飯趕睇四點半場Festival of the Lion King獅子王慶典

再去玩埋爆笑Stitch Encounter幸會史廸仔同小熊維尼歷險之旅。

聰媽仲要趕下一場睇話劇，所以冇得睇煙花六點多諗住走，但Chester太興奮仲要玩埋小飛象，估唔到全日排得最耐隊又最快玩完就係呢度，搞到攰到死當晚我連續冇醒過瞓咗九個半鐘(十年都未試過，我好醒瞓的)。

Chester排隊時問我Yankie點串，跟住寫咗下面張紙比Yankie.我問聰媽佢係咪成日寫"I Love You"比女仔，佢話剩係寫過比媽咪.....Yankie居然話掉咗佢，Chester用盡方法都拖唔到恩祈隻手(包括問准埋我不過唔關我事嘛)，可能佢從未食過檸檬就更加喜歡佢啦，咁恩祈對男仔有一手我都唔駛擔心咯。

出到門口聰爸嚟接佢仲帶咗生日禮物同一張親自造的生日咭比恩祈，好有心思好多謝呀！