探Jasmine的梅窩大屋

2010.08.02    Yankie同Jason第一次去梅窩探Jasmine今年至入伙的鄉村大屋

由梅窩舊墟踏單車5分鐘到，但我哋多人加上Jason mami大咗肚就選擇慢慢步行

我哋行咗成差唔多半個鐘至到(正常行15分鐘)，終於見到大門啦。好有中國色彩，係由一個大範圍的園地圍住一棟樓高三層仲有天台的大屋....城市人好羨慕呢！

佢哋養咗隻大狗Angel.頭同尾都係洛威拿個身就.....Jasmine形容個身係垃圾狗，雖然好善良但相信都好少香港人肯要，係Jasmine啲鬼妹會要仲好錫佢。

佢哋個菜園種咗好多嘢，好似上面啲筧菜同下面啲矮瓜(茄子)，仲剪咗好多新鮮辣椒同辣椒葉送比我哋，呢啲就係有機生活呢。

。

上二樓露台外望出去的原野景色，好令人心澄神淨，而且酷熱天氣下又唔係好熱喎，望落去見到Steve好努力鋪草皮，佢話下次我哋嚟會唔同晒，將會見到全部都係綠油油草地，一定會好靚。

呢度係天台，夜晚可以bbq. Becky話天空啲星星多到數唔晒，仲有螢火蟲連藍色嘅都有(咁我哋唔駛去澳洲睇咯)，佢仲力邀我哋住番晚呢。

樓梯間放咗好多相架，呢張bb Jasmine扮泰妹最是可愛！

佢哋在Jasmine間房玩到落床下底.......Jasmine成個洗手間鋪啲磚真係好靚。

佢一個女仔住二樓成層，仲有一廳三房！其中兩間係客房，似足酒店房。

來個有機午餐，正！

就係見到姐姐呢個古箏，佢又話想學。

恩祈話個黑人bb........

係奧巴馬bb

Angel想入屋喎！

換泳衣做乜？

在露台開個pool又嚟水戰。

Becky話今朝落過雨所以今日啲大紅花開得好靚，好燦爛。

Steve同Becky兩公婆不停地做農夫，我哋就享受夏日親子樂。

一路浸住水一路食雪糕真嘆！跟住沖完涼又有好味薯角做下午茶，又食好多。

拜拜啦大屋，下次再嚟玩過。多謝Becky一家的招呼，佢哋一家三口連隻狗送我哋搭車仲全家揮手揮到見唔架車為止，有呢啲朋友太感動了。