Happy 25++ Birthday to Daddy!

2011.08.03    呢日就係我老公25++的生日，唔好問佢幾多歲，總之一個+就係加十年啦，哈哈！

恩祈上個月已經準備好畫咗張生日咭送比daddy.仲練咗半個月彈"Happy Birthday"不過自彈自唱都係今日第一次....so sweet!但我老公冇乜反應，佢淨係鍾意人讚佢後生呀靚仔呀有型個啲 好膚淺佢。

今晚近近哋去航天城Skycity的Golf Club內食飯，環境真係一流！只係十分鐘就到，我真係好鍾意住喺大嶼山，自然環境多，出市區又方便。

裡面有間好靚好正的泰國餐廳。

天氣好熱，嚟杯冰凍泰式特飲先。

室外座位對住Golf 場同個湖，有山有水仲有飛機睇，恩祈問我係唔係去咗外國，我話係呀你去咗泰國，因為好有Thai feel.

佢跳出跳入好開心。

開始黃昏了....

都係啲家常便飯，啲嘢好食但好辣呀。最後個泰式甜品拼盤最正。

月亮都出嚟，好皎潔呢！老公祝你永遠都咁低b，即係永遠都咁快樂！恩祈話祝你個樣唔好變喎，即係唔好變老同變佬呀！