2011農曆新年日誌(年初一至四)

2011.02.03 (年初一) 在家同家人拜過年同食糕點紅棗茶後，就去大伯家拜年，姑姐病咗冇來，大伯比粒糖恩祈食，佢結果都吐了出來，除咗佢都冇乜細路係冇食過一粒糖過年。

爸爸下午要番機場上班，東文伯伯陪我哋去荃灣廣場行街食嘢，我仲買咗好多嘢呢。

2011.02.04 (年初二) 爸爸放假一家去沙田玩。

有Bunny King & Bunny Queen坐鎮。

遇上Bunny King真身，唔行唔郁的話同毛公仔影相差唔多效果。

行完反斗城到Starbucks tea 一 tea.

嚟沙田最終目的都係Snoopy Town的playground.人山人海冇影相！

2011.02.04 (年初三)  今日去水藍天岸契公公的渡假別墅探契媽一家，佢哋比個糖果盒恩祈食，點知佢唔食話要食我送禮的金莎朱古力，契媽即刻拆比佢食，真識揀！仲好有自信地在佢哋面前唸咗兩次歌謠"新年"。

契爺送咗呢架車仔比恩祈，同契哥Anson一齊片車。佢又要去clubhouse啦，契公公話下個月又買咗間新屋入伙，個會所仲大仲靚過"君臨天下"，就係契媽隔離的"凱旋門"，真係買樓好似買粒鈕咁易，好嘢恩祈又有得玩。

2011.02.06 (年初四)  早上送恩祈番Sunday Church.同好靚女的鬼妹仔J.J.一齊玩。

之後去九龍站的"囍宴"與十年前已冇做的CPCS國泰空廚control room的舊同事飯聚兼團拜，兩位高層又慫恿我番去做，又話而家好做好多，我話等恩祈番小學先算啦。

Elements好多兔仔比恩祈爬上又爬落。

歌莉亞送比恩祈的日本版Kitty曲奇

行行吓又行咗去我最鍾意的Habitu 食cake飲coffee呀！

多滿足的朱古力嘴巴。

九龍站的playground好大但都好多人，恩祈識咗好多新朋友，見佢好開心我居然比佢玩咗個幾鐘，雖然玩到顛咗，但我一叫佢就肯走人，細路仔只要尊重佢同滿足咗佢(唔係物質係心靈嗰啲)，其實都會尊重番你同聽話的。

仲有，嗰本Yellow Bus Light又要求登相，我求其send咗張Blog的大頭相比佢登，佢哋就寄咗本一月號雜誌比我，恩祈bb好得意啊！