香港書展2011

2011.07.21    今日帶恩祈第一次行書展，仲約埋鈞澄。

我鍾意啲童書都有半價，但我定力好夠....好多想買都冇買(一個人搞唔掂)。

剩係個"兒童天地"都好大，十點多去到冇乜人，主力比佢哋任睇任玩任試，佢哋好乖，玩完就算，冇話要買或賴死唔走。

合作跟圖形砌隻象仔：

有蒙特梭利教具玩。細路每樣都鍾意玩，但家長就要同sales打交道同想辦法脫身。

呢啲未見過的新玩意粒粒貴過泥膠又冇咁多變化，但恩祈都鍾意玩仲好快地黏好自己個英文名YANKIE.

有個"親子閣"比小朋友玩吓休息吓......我哋仲要番太子I.C上堂，因此一點左右就離開，呢個時候會場已開始人多(我係指兒童天地，樓下成人天地一定更墟撼！)。