海洋公園新春大團拜

2008.02.05    年三十晚係我個東文伯伯生日，我同媽咪、姑姐同佢去海洋公園玩，佢玩得好開心，因為伯伯好錫我見到我就happy，不過我就鍾意姑姐多啲，大家都係女仔嘛！
真係估唔到原來大除夕係好少本地人去海洋公園，好靜呀！直入去冰雕王國"金銀滿冰宮"同睇"冰上百老滙"，完全順番上次聖誕排長流睇唔到條氣呀！前者零下十度嘅冰雪世界凍到我個樣硬晒，影得一張相連相機都凍僵咗，後者非常精彩，我又坐正中央，我真係手掌都拍爛啦！
由於媽咪今日同我著定一身賀年服裝，我這可愛模樣當然大受歡迎，除咗應要求同啲外地遊客、國內同胞合照外，周圍都見到嘅財神同景點內悶到發慌的哥哥姐姐都派咗好多封利是(朱古力金幣)俾我，真係滿載而歸。