奧海城Chocolate Rain

2011.04.29    今日daddy放假，中午佢去咗學揸巴士喎(佢公司要佢增值比錢要佢考多個巴士牌)，佢上完堂等埋恩祈I.C放學就一齊去奧海城食tea同逛吓。

Chocolate Rain？好似係本地出產的公仔品牌，咁有"百家布"feel.

今日仲係英國的威廉王子大婚，有慶祝擺設同大電視直播。

恩祈都有在王子大婚紀念冊上簽名呢。

今日又係奧海城三期的玩具反斗城開幕，買滿200元有獎，daddy投籃中三球得大獎：Barbie換衫扮靚公仔一套。Yeah! Hooray!

恩祈番到屋企冇即刻拆嚟玩(佢真係好忍得，就算好鍾意都會欣賞吓先，對物慾要求唔高，因此情緒保持得好穩定)，仲模仿寫咗好多生字話要比番啲驚喜我哋。