由於聖誕節Babi下午要上班，因此中午完全不懂廚藝的媽咪就準備了簡單的三道菜聖誕大餐：餐湯是罐頭雜菜湯，主菜是在Taste買醃好的蒜蓉牛扒配烚好的雜菜粒，甜品是美心的滋心蛋糕..........真係正呀，就這樣Babi已非常快樂了！
下午同恩祈和婆婆去了沙田，約咗二伯伯同姑姐一齊慶祝聖誕。伯伯好錫恩祈但恩祈成日虾伯伯，得閒無事都愛打他一下真搞笑，反而同姑姐就很friend，都唔知點解。沙田周圍都好迫人，揾個地方食飯都好難，結果在一間食日本嘢的小店找到位，啲飯普通但小食就不錯，同親人過聖誕都真係幾溫馨。
恩祈最近成日雙眼皮，對眼又圓又大咗好多好靚呀！
恩祈好開心地同今年的聖誕禮物合照
除咗姑姐送的Kitty公仔袋外，二伯送咗可以當凳仔坐的Kitty學習廁，Jasmine媽咪Becky送的三份禮物：小童雨傘、playing cards 小玩意和睡前書。
Boxing day奕彤妹妹探恩祈又送了好玩的畫板
Sophia媽咪Michelle送的可愛套裝
好多謝大家送俾恩祈的聖誕禮物，我很感謝又感動大家對恩祈的厚愛，其實送唔送禮物唔重要，最緊要個個都錫恩祈和祝福她就夠啦！
後補一句：Merry X'mas to all my dear friends！
沒有留言:
張貼留言