2007.09.20 前日在網上有個mami幫我用九折($585)買咗張廸士尼Annual pass，我老公話唔鍾意迪士尼所以無買俾佢，剛巧本月有" 與友同行"優惠，可以免費帶他去玩一次，好抵。
今次係恩祈第二次到訪Disney，第一次係上年十二月，當時她只有六個月大，反而我哋可以差唔多玩晒全部遊戲同睇show，依家佢有主意又大反應，所以只係玩一些上次未玩過的，即係低b啲嘅嘢，睇表演就更加唔駛諗，玩咗森林河流之旅、上咗泰山樹屋、搭咗火車、玩咗迴轉木馬同太空飛碟，係啦，其實今朝恩祈重有少少燒同流鼻水，估唔到嚟到廸士尼有得玩佢就藥到病除，居然自己退咗燒又無流過一滴鼻水，神唔神奇？真係名副其實Magic Kingdom！
我本身是個廸士尼fans，全球的廸士尼我都有幸到訪過(東京、巴黎、L.A. & Orlando Disney World)因為以前我最鍾意發夢，廸士尼給我的感覺很夢幻，可以暫時脫離現實世界，但係香港的廸士尼.....只係似一個遊樂場，完全失卻廸士尼精神，員工欠缺活力和投入感，只係打一份工，不似其他的樂園會有人不停同你打招呼和引你笑，不過它也有一個優點是其他地方不會有的，就係夠細，夠集中又唔多駛排長龍，好快玩完好適合港人急速的步伐，我曾在Orlando的Epcot Center沿住湖邊找出ロ用了45分鐘，又在東京排隊2小時玩Star tours，香港就有呢度好，一日玩晒！
老公攬住Marie胸前即被喝止，非禮呀！
大力士玩吊環，出盡全力個樣幾認真！
媽咪買咗副可揭開的米奇太陽眼鏡我帶
Disney baby care room係全港設備最佳最靚的育嬰室，有搖搖椅的母乳房、舒適的換片房，pantry內有熱水壺、暖奶瓶器，重有微波爐可製作babyfood，Yankie就是坐在我好鍾意的古典木製雕花highchair上看著廸士尼卡通Toy Story攬住廸士尼毛公仔享用午餐的。
Daddy教我揸車車
就嚟萬聖節啦！
為咗襯番Yankie，我專登從櫃底摷番件差唔多成二十年前嘅花短裙，著得咁嬌俏我問老公我似唔似"十四歲媽媽"(近期熱爆日劇)抱住個女，佢當堂 "O" 晒咀呆咗，我就話講錯，其實係"四十歲媽媽"！佢定個神居然話我成個"自由行"打扮.......
正一 C6！
廸士尼森林河流之旅
廸士尼Shopping
廸士尼米奇水花巡遊
沒有留言:
張貼留言