2008年的聖誕節目

2008.12.25今日係聖誕節，本來約咗東文伯伯去睇Thomas train.點知佢又臨時"放飛機"！算啦慣咗啦就要佢送多一份聖誕禮物作補償先...... 

今年經濟唔好，好多人留港消費，周圍都係人，連我哋個東薈城都人山人海，加上爸爸今日仲要番工(番三點半)，於是食完飯就去機場玩吓順便送爸爸番工。

行咗一陣，到"上海姥姥"食咗呢個上海炒年糕set作為下午茶，我哋今日聖誕節就只係消費咗$48。

去到Terminal 1 好有 X'mas feel.首先見到個性感look聖誕姐姐，佢一見到恩祈的裝扮就話：我妹妹嚟咗啦！

三個吹氣公仔(聖誕老人、雪人同聖誕樹)都係人扮，在機場行來行去歡迎到港旅客。行前啲仲有真嘅聖誕老人派聖誕禮物，係支粉紅色心心原子筆，小小禮物恩祈已經好開心。

仲有好正的蘇格蘭樂隊演奏，就這樣過咗一個唔迫又有氣氛的聖誕節。