第28屆中西區舞蹈比賽

2012.01.29  (Sun)  今天下午恩祈跟舞蹈組去上環文娛中心參加第28屆中西區舞蹈比賽。
(今次影到恩祈好好笑容呢！)

今次的舞台好細，他們又多燈籠又多動作(其他隊伍都只是跳些簡單的芭蕾舞之類)，隊友之間距離窄易碰撞，仲有兩次跌燈籠，但他們表現很專業，執生都執得很淡定，好叻叻呀！他們只是幼稚園生又並非雜技員，落力的演出真係有一百分！結果都能奪得亞軍(銀獎)，真的為他們很驕傲。

20120129 第28屆中西區舞蹈比賽.MP4

比賽完後接番佢，在上環的街頭行吓睇吓，因為佢好少踏足香港島，因此都感到很有趣。

入咗外貌特別的西港城，有我細個時的古老出咭仔的磅重機，好耐冇見要同恩祈玩吓，佢重17.5kg連40磅都未到。

仲有舊時的電話亭。又要扮吓嘢。

最後由上環行去中環搭天星小輪過海，望好近原來都幾遠，約咗奕彤一家去尖東科學館睇展覽，未到已經行到脚跛了。(下回再續.....)