拜年日誌

2007.02.07 (年初一)  今日一早同Jasmine姐姐拜年，Auntie Becky 重送了一盒朱古力比我，當然又係比媽咪沒收，不過我都未食過又唔知何謂朱古力，所以都冇所謂，最緊要有Jasmine同我玩，媽咪重拿了紅棗蓮子茶同湯圓、全盒過來，Uncle Steve話好鍾意食紅棗茶，估唔到鬼佬都鍾意呢味嘢，Jasmine就話未食過葵瓜子，想食埋個瓜子殼，婆婆好開心話佢哋一家人好爽，最鍾意佢哋唔客氣鍾意食就食。下午三舅父一家來我家拜年同食飯，呢個係我媽咪個邊九個親表哥之中年紀最細的寶麒表哥，都有十六歲啦大我成十四、五年，我最大個表哥成四十歲啦！

2008.02.08  (年初二)  早上去荃灣同大伯拜年，二伯同姑姐都有去，重一齊食咗開年飯，我唯一的堂哥阿豪都二十歲，阿哥平時好靜但係見到我都抱著我影相呢。

年初二下午就去美孚契爺契媽屋企拜年，我呢套賀年靚衫就係契媽專登在上海買比我著的，真係特別漂亮啊！之後又同契姐契哥去咗荔枝角公園玩，三個追追逐逐好興奮。

2008.02.10  (年初四)  今日媽咪帶我同佢個小學同學Jo Jo一家人在紅磡美心飲茶，媽咪話相識咗成三十年嘅朋友好難得，重同佢哋成家人都好熟就更可貴，Jo Jo 姨姨長駐上海工作所以都好少見面，佢有個十歲大的姨甥仔哥哥好鍾意bb，陪我玩得好開心。