靈魂之窗

(2008.09.12)
一個月之前，我突然發現右眼的右上方出現一蜘蛛狀黑影，我知道大鑊：係唔走架！睇街症醫生話視網膜冇事，係飛蚊症，冇得醫慢慢就會習慣.....
終於俾我在荃灣搵到間有口碑又只收$200的視光中心做全面性眼部檢查，個視光師同我好詳細的check晒所有嘢，甚麽眼壓、色覺檢查、眼球肌肉、青光眼、黃斑病變之類好多嘢，全部都正常，而且我幸好有近視(左175，右375)又不帶眼鏡，因為發現我有125度遠視，剛好被近視扯平，所以連老花眼鏡都不用帶，佢好細心逐一回答我的疑問，又唔會sell我做激光或配眼鏡，真係幾老實。
但係飛蚊的問題連影相都睇唔到，就花多$160滴藥水放瞳做眼底檢查，過程好辛苦，佢又想睇清楚啲，發現我的視網膜非常薄，好似成千度近視被拉長拉薄一樣，而那隻蚊佢都見到，就係視網膜上方扭成的扭紋狀，不算是飛蚊症但也不會好，幸好視網膜雖薄但一點小孔也沒有，佢教我以後要非常小心不可撞到頭部和保護眼部(我成日比個女無情力撞)，不可提重物及跳水之類活動，亦話從我的眼血管看出我血液循環唔多好，眼瞼有白點油脂粒要清潔免生眼瘡，食多啲維他命A食物及用菊花杞子焗茶飲(依家媽咪日日焗比我飲，恩祈都話菊花水好味)最後重親自教我幾套護眼操......搞咗個幾鐘頭真係good service.下次都帶恩祈來檢查吓眼睛。
我依家其實都真係習慣咗冇o甘礙眼，只要睇到恩祈開心成長就夠啦！眼睛係靈魂之窗大家要好好愛護啊。