爸爸放大假

因為去不成沙巴旅行，諗住改去黃金海岸酒店住番晚過下陽光海灘假期，點知又日日雷暴警告，睇下我點安排一個扮去咗沙巴，有得玩有得食又唔怕落雨、令倆父女過得高高興興的五日假期......

2007.06.11    處女下水
去沙巴梗要游水，見今日下午只係多雲，就去咗屋企附近的酒店Novotel 個Vita club join day pass，同bb著件Bikini上衣加游泳紙尿褲作首次下水禮，點知未掂到bb池d水就好似會浸死佢死攬住我，她唯有很無奈的呆站在太陽椅旁睇住我同爸爸好開心游水，她好疑惑的樣子好像是為何你們不怕被水浸死，我哋兩個巳經兩年無游水，爸爸又玩gym我又焗steam，而且酒店設施又新又乾凈又無人，所以我哋真係好relax....最後在bb池見到有個金髮鬼仔bb，我立刻抱恩祈撲過去，兩b相遇玩得happy，恩祈不知不覺間終於已下了水玩了。
恩祈無奈的樣子像在說：游水好好玩咩？

泳池背後就是我們住的樓宇

我要玩FITBALL！

我的第一張泳裝照....有點不倫不類

2007.06.12    初次踏沙
沙巴有靚靚海灘，我唯有改去近近地的愉景灣，15分鍾車程就到達沙灘啦，早上落過大雨，下午去到又俾我哋包場，天陰陰涼浸浸又幾爽。bb初次踏沙又無異樣喎！攞d beach toys玩下又在沙上的兒童遊樂設施玩下，坐下bb圍兜鞦韆又過了一個愉快的下午。
p.s.昨晚恩祈居然由十點一口氣瞓到早上七點多，第一次一覺瞓天光，我感動到想喊！

2007.06.13    玩具天地   
沙巴酒店有kids club，Jasmine去咗越南玩冇人帶我哋去club house，又俾我諗到去青衣探恩祈表哥，佢屋企d玩具新款同多樣化比得上kids club，重有兩隻靚貓陪玩，又有disney卡通睇。最後表姨重送咗一大袋嘢比恩祈，有combi鞋、濕紙巾、bb餐具等，重有表哥唔多捨得的學步車仔，每次去完佢屋企都好似去完shopping.

p.s.表姨好勁，用一條森永嬰兒威化餅令到恩祈肯自己揸住塊餅嚟食  

Whiskey個肚腩變咗表哥個頭！

2007.06.14    食自助餐
沙巴有好多美食，我哋今日就去咗Novotel的Essence食lunch buffet，這間餐廳好出名，晚上長期爆場，因為雨天又係平日所以好少人環境很好，我哋都係第一次去食，真係又平又多嘢食最重要係好好service，恩祈食咗烚菠菜麵加生菜(special order)，重有d魚同西湖牛肉羹，我就飽到夜晚個餐都唔駛食，食完後居然天色放晴又可以去隔離個公園玩，唔知係咪食咗buffet後體力大增，恩祈在公園內第一次不用扶住嘢周圍行，終於在十二個月的最後一日識行，大個女啦！ 

請你唱K呀！

2007.06.15    最後一天
今日係爸爸最後一日假期，去咗旺角我最喜愛的"東大門"食咗韓式午飯後，就過又一城恩祈最喜愛的"玩具反斗城"玩轉佢，又係不停的推各款玩具車，唔推得的照推，爸爸重買咗一塊會發聲的小畫板讓她塗鴉。

我識凑bb啦！


這個假期恩祈有爸爸陪住很開心，而且發展神速，有很多她的第一次驚喜給我們，因此父母真的要多陪伴子女，大家都有得益。原來去唔成沙巴旅行都很愉快，在東涌周邊玩重舒服。