春日寫真

2008.03.07

最近天氣很好，陽光普照，東涌的公園花團錦簇，便帶恩祈影番輯春日寫真，見佢最近肯坐定定影相，就試下用之前部菲林機支f1.8鏡頭試下影人像相，但係好麻煩，全部manuel，成日要校快門，又要手動對焦，以前用菲林機又唔覺有問題，唔知點解依家影出嚟差唔多全部都out focus. 究竟係我老咗對眼唔好定係恩祈郁動多呢？我估兩樣都係。
我好鍾意呢張，可惜勁out focus！

下面兩張好似清楚，但係一張咀歪，一張校錯快門暗咗！

跟住兩張focus明顯在手指，錯有錯着，幾得意！

第二日再用跟機支鏡去影過，剛巧婆婆個friend送咗套好啱身的唐裝俾恩祈，即刻著住去影......雖然無淺景深去突出主體，但係影得流暢好多呀！
背景啲花好靚，但係恩祈啲頭髮同表情有啲似生意失敗 ......下面個張叫佢笑就笑，但係猛烈陽光下有啲唔自然。