我都好耐冇寫自己的心事了，通常都只係報導吓恩祈多姿多采的生活。
佢番咗學我有番少少私人空間，心情愉快咗肥咗五磅，Good!試過同佢提吓不如我番工，佢反應好大話唔好，叫爸爸番工婆婆番工，不時提醒我唔好番工呀，個樣仲好擔心，真係我見猶憐，又點捨得離開佢呢，見過好多專欄都講話，小朋友寧願唔要玩具唔要番興趣班即係唔要屋企好有錢，最想係媽咪陪佢成長，相信我做全職媽咪真係恩祈最大的福份，而且好奇怪，就算唔番工，財務上卻越來越好，因此好多嘢不須太過在意去爭取，上天自有安排。
我其實係一個好隨便的母親，對家事一竅不通，家裡亂七八糟、又不懂煮食，但我的女兒卻全心全意愛慕著我，每次煮飯佢都會用各種方式來極力稱讚，真的使我汗顏。她又最喜歡臉貼臉同我親吻，加上對我一切都不停的讚美，瞓瞓吓都會叫我："媽媽，妳好靚呀，我好鍾意妳！"真係死未？幼兒的愛簡直就有初戀的感覺。即使我是個有點糟糕的母親，女兒仍真心喜愛我到不得了，這種神聖的愛使我心裡感動和溢滿了幸福感。感謝上天賜給我這位小天使、好女兒。
Love is all around!
沒有留言:
張貼留言