秋遊赤柱

 

2007.11.08 (thur)    一早起來全家出發到赤柱，第一站去了市政大樓的Playroom，每一小時有一節，最多可容納26人，恩祈一進內就狂喜，爬來爬去，我很喜歡這裏的設計，全場都是厚厚的軟墊，雖然沒有甚麼玩具，但那些高高低低的梯級，很適合訓練幼兒手腳的協調，而且又安全好玩，加上是平日，只有幾個外籍小朋友，不怕太多人或大細路跳跳紥撞到bb，之後就到我從網上見到好評的赤柱餐廳午飯，好多人又迫但員工好有禮貌，帶了我們上樓開枱，重有殘舊的bb椅供應，叫了三碟牛河、燒味飯之類，好大碟又快又幾好味，加兩杯茶啡都只係九十大元咋！重要四個人都食飽飽，恩祈自備babyfood都食咗一碗飯呀！  

又去咗赤柱大街，經我精挑細選下，恩祈有以下戰利品：Baby Gap長袖body suit($29)、Disney babies長袖上衣($15)、NEXT的絨長褲($49)、NEXT的長袖繡花衫($40)和兩對冬天在家穿的厚袜($10一對)，再加上後來到中環H&M買的三set頭飾，全部加起來都只係$200左右，滿載而歸。