由東涌出發，第一站係浸會大學中醫藥博物館，上圖恩祈扮中醫師，下圖又扮番病人把脈，可惜我要影相又做唔到配角只得佢一人扮演兩角有啲失色。
午餐又係去紅磡名粵軒食木桶雞午餐。再去第三站元朗壽桃牌麵廠參觀，其實只係銷售點一個，雖然每人送咗一包麵但有點名不副實好失望。
bb女團友勁cutie.對眼仲大過我同恩祈勁呀！唔扭計唔喊唔似真bb似公仔多啲。
最後一站屯門公園內的爬蟲館，最好玩係呢度啦，有好似在毛里裘斯見過的巨龜睇呀！
恐龍都係爬蟲類在館內都有列表介紹
行出公園有爬蟲動物模型可影吓相
呢排恩祈對恐龍好有興趣同研究，在途中佢要求我買咗本恐龍書比佢，我好奇怪一來佢好怕核突醜樣嘢，二來佢係極少要求買嘢，唔通自從上次去海洋公園掃完恐龍骨後佢真想做考古學家？
沒有留言:
張貼留言