有媽咪係度唔駛驚！

(2008.06.13)
最近恩祈的口頭禪係：有媽咪係度唔駛驚！
我教佢講呢句話的原意其實係相反詞：如果冇媽咪會好驚架！
等佢知道玩到癲到好，要記得時刻望住媽咪(唔駛媽咪望住佢都放心，因為佢驚過我，hehe！)估唔到驚死嘅佢(佢係天生比一般小孩意識危險，例如驚火但未被火燒過，過馬路行得特別快驚比車車親)真係將句說話好放上心，令我好安慰。
前幾日電視做長隆水上樂園特輯，兩母女有以下對話：
mami：好似幾好玩喎，下次去玩咯！
恩祈大聲回應：好呀！
mami： 不過好似好驚喎！
恩祈肯定回答：唔驚呀！
mami： 妳唔驚？我好驚喎！
恩祈淡定回答： 有媽咪係度嘛！

重有每次佢個bb Lilou突然喊，佢就立即抱起然後輕聲講：笑啦......唔驚呀......媽咪係度呀！(不過佢唔餵奶Lilou係唔會收聲，跟住恩祈就會打佢個頭啦！)

有冇見過媽咪同bb都食奶咀嘅？That's Yankie and Lilou！