影灣園沙池玩沙

2010.05.24    今日難得天清氣朗，乾燥涼爽，一定要戶外活動吓，放學後約咗Jason弟弟去佢樓下新開的沙池玩，等佢哋車未嚟時撞到耐冇見的鈞澄，兩個老友好開心。

初初Jason唔肯赤腳踏沙，只站在石級上玩。個沙池一半有天橋遮蔭，啲沙好幼好滑踏上去又好涼好舒服。

玩玩吓又忍唔住去咗隔離個playground玩吓。

在屋仔內休息吓，佢哋好鍾意飲寶礦力水。

再轉戰沙場，唔知幾時Jason已經肯除咗鞋踏咗落沙.....恩祈話係佢邀請Jason落去玩，又教佢試吓掂吓啲沙先，佢對呢位弟弟好有愛心同耐性呢。(其實可能係Jason肯聽佢講，佢就越有耐心教佢啦)

玩咗差唔多兩個鐘，飯都唔駛食。