向契媽拜年+CPCS舊同事飯聚

2010.02.20    年初四同恩祈首先到契媽新居拜年，位於九龍站上蓋，天色雖差但周圍佈置好靚又要留下倩影。

四周都係天價豪宅......終於揾到啦，就係藍白色呢座，個名好勁好有氣勢........

守衛好森嚴在門口等咗好耐，又同恩祈影張相先。

呢個就係二千幾萬(大家冇睇錯)一個單位的半海景露台，不過我真係覺得海堤灣畔同影灣園個海景靚好多，究竟點解呢度咁貴？據契媽話啲用料好，不過我啲凡人又唔識睇。其實住公屋又好住豪宅又好，Anne都係我最喜愛的好友。

我個契女Cheri由於耐冇見突然感覺大個女了。

恩祈同契爺契媽契哥契姐一家的合照

契媽在廚房內的閉路電視都影一餐......恩祈話自己做明星上電視，我就話似"死亡錄播"，契媽話"啋！"

個clubhouse就真係超正，又大又冇人又乾淨仲香噴噴。

玩完clubhouse後契爺車我哋落旺角，今晚同CPCS一班舊同事飯聚，有成15個人，一半都已離職，數數吓我都離開咗第十個年頭.......希望可繼續每年聚舊啦。