2007.10.16 (tue) 去完Wise Kids當然要在數碼港行下，本來預訂了艾美酒店的lunch buffet，怎知上網睇下，九成都係劣評，最經典有：$588食垃圾。價錢貴、款式少、不新鮮、服務差。但係六星級酒店又貴應該唔係太差呀？而且我最緊張個甜品評價不俗都想試下，但最後一刻都放棄了，原因是如果真的這樣差，我個食評老公實有排彈，好煩呀！他真正讚過的就只有半島的Felix同嘉麟樓(好識食！)，其他都話o.k.普通、麻麻....如果好差就成日都哦我，因為我哋好少出街食飯，佢好珍惜每一次機會呀！我就反而因少出街食所以樣樣都覺好食。
真係好在無去食，我去酒店借啲熱水開奶時，睇見食剩的海鮮、麵包周圍放，唔多乾淨但看來是留番晚上用
地方很細又冇客，老公話甘遠揾鬼嚟咩？冇人食梗要貴啲，整少啲，然後食剩梗冇浪費留番，重有請唔到人做梗係服務差啦.........(下删數十字)嘩！冇食都彈甘耐，如果食咗我對耳仔就慘啦！酒店對出的大草地，好多鬼仔在跑在跳，我們在這裏飲杯咖啡食件三文治都很輕鬆悠閒。
至於個商場真係鬼影都唔多隻，重要搞個"萬聖奇倌"展覽，個場又暗又冇人氣真係陰氣好重，居然重見到有個女仔試瞓係副倌材度！啋！我話俾妳阿媽睇到實鬧死妳！即刻走出個商場，户外景色好靚，最可惜明明今日係大晴天，這裏的海景卻灰灰暗暗充滿著污染物質。
Overall如果是情侶可以來這裏浪漫吓，否則多數會後悔！
後記：結果我們的午、晚餐都在"大食代"用膳，日本餐廳"河合居"的lunch set 好味又抵食，服務又好，埋單只係80元，就由恩祈介紹吓：
沒有留言:
張貼留言