2007.10.04(thur) 今午首先到東薈城新開張的"大食代"(個名都衰過人)Food Republic 試咗泰式炒金邊粉(好好味又多料)同牛什米(幾大碗)，相比以前food court多咗很多選擇又好味咗，但係個price貴咗同全場冇水飲，迫你再去排隊買嘢飲都幾衰格！
然後搭東涌綫去九龍站，為的是去十月一日才開幕的新商場(香港特色地方細細年年都有新商場)Elements，商場概念是五行的金木水火土(唔係幾明？)，格調就似IFC行高檔路綫全都是名牌店，最特別是商場只有兩層，但每層面積很大即是向橫發展，對於有嬰兒的我來說當然很滿意，不用上上落落而且有很多梳化坐很舒服，個洗手間係我去過最香的，不是臭的香，而是充滿著鮮花味.......好正好正！對於恩祈來說，最快樂就莫過於去了有機超級市場ThreeSixty，裡面大大架玩具車頭的手推購物車，真係好好玩，恩祈好似揸車個款又有人推，個樣好威係甘笑笑口，行咗好耐她都不肯下車，武力拉她下車後她又跳到另一架車，真係冇佢收。走到最底層找到機鐵的shuttle bus，初時不准我哋搭，後來我老公出示張機場員工八達通才比，我哋下一站係去尖沙咀海運碼頭，探訪我同老公都祈望已久的--------忠僕號Doulos.
忠僕號是一艘好有意義的郵輪，接近百年歷史的它(1914年首航，為世上最古老載客郵輪)到過超過100個國家，內藏五十萬本書籍，傳遞知識和提供援助予全世界，而且快將停航，我們一直想參觀，但由於帶著嬰兒又聽聞訪客極多需排隊數小時加上非常悶熱(冇冷氣！)差不多要打消念頭，還有數天它就要離開就碰碰運氣吧！居然不用排隊，由於接近尾聲船上也不多人，加上今日較涼爽，又有海風吹至，真是幸運呢！它比我想像中小，可能是因為我們只可參觀頂層甲版，下面應該很大吧，否則怎可客納50多個國家的350名義工，還有數目龐大的書籍呢！裡面賣的都是英文書，有很多種類，也很便宜，十元二十元就可交易，我們買了兒童書送給朋友。
告別忠僕號後我們先到Pizza Hut 來個tea，之後當然又要去隔離的"玩具反斗城"朝聖，今次終於找到架彩色的小童購物車比恩祈推，又係愛不釋手呀，行咗很耐，只係買了個$9.9紅魔鬼頭箍，走的時候當然又係又拉又扯才能將她與手推車分開啦！
沒有留言:
張貼留言