之後幾次bk活動都有一齊參加，而Hugo mami & daddy亦好nice,雖然佢哋差唔多日日要番工但花好多心機同愛心去教育Hugo,加上Hugo mami 係一個正宗montessori mom 令我更配服。而且我睇的第一個blog就係Hugo個blog,亦從而學習寫blog(Hugo mami話佢都係睇喬喬mami個blog先學寫)，所以去佢屋企玩一來俾兩個小朋友玩吓開心吓，二來我也可從這對優秀父母身上學習呢！
Hugo仔屋企好多男仔玩具恩祈可能未接觸過都好鍾意玩，而且大多是具有教育意義的優質玩具，連全套88件蒙特梭利教具都有齊又擺放得好，佢mami又識得教佢用佢好幸褔呀......佢屋企好玩過蒙特梭利教室，可惜我哋都唔夠時間玩。
Hugo肯同恩祈妹妹分享玩具，唯獨是上圖架車車佢就唔比，每次恩祈想坐佢就走向mami度哭訴(佢真係善良，如果換轉係恩祈已經鬧到人唔敢坐)，我同恩祈解釋哥哥唔鍾意人坐佢架車，恩祈就話："哥哥喊喊，唔坐得哥哥架車！"但每當Hugo轉身佢又即刻坐上去，搞到Hugo又搵媽咪......睇吓Hugo淚眼汪汪個樣幾惹人憐愛。
但係daddy一逗他笑就變成一張淚眼笑臉。
齊齊玩泥膠，Hugo daddy好叻整咗條極神似的粟米和香蕉，但係粒士多啤梨恩祈就話係蕃茄，haha！恩祈總愛整到啲泥膠一小粒一小粒，Hugo daddy話佢手力好夠靈活才可整到細細粒，話佢將來對玩音樂有好處......我一直以為佢唔識玩泥膠因為其他人都係一大pat o甘玩，原來係我唔夠細心觀察同忽略咗佢嘅創意，sorry！
雖然意猶未盡，但都係食飯嘅時候，我哋去咗將軍澳中心，Hugo仔在媽咪買飯時都肯跟我俾我攬攬，佢平時唔肯接近其他人，莫講話抱呀，我估佢都感受到我對佢好所以都肯靠近我......食完飯分手後我同恩祈都在商場玩咗一陣先走，恩祈話好開心，仲對Hugo哥哥個車仔potty念念不忘呢！
沒有留言:
張貼留言