奕彤三歲生日會@Pizza Hut

2009.10.04(Sun)    奕彤妹妹(即係蚊芝姨甥女)10月8日就3歲啦，今日提早開生日會，先去佢西環屋企送份大禮物比佢先！

佢隻狗女cookie比上次見肥咗好多，仲好熱情扮晒bb要人抱抱。

奕彤變身灰姑娘後就坐"叮叮"去石塘咀Pizza Hut......恩祈手持個袋係袋住蚊芝姨姨親手整比佢食的"芝"月餅，佢好緊張一直要自己攞住，但係結果去到生日會玩到忘形唔記得攞番走呀！

到咗Pizza Hut.雖然陸續都有其他小朋友到賀，但係奕彤都只係同恩祈玩，都係同齡的女孩子嘛！佢哋啲動作仲好一致呀！

任食任飲正呀！

餘興節目：小朋友合力整大Pizza呀！

完成啦！焗完後可以食番。

到咗唱生日歌吹蠟燭的重要環節

個蛋糕好好味，快啲切啦！

食完蛋糕奕彤冇理其他人拖恩祈去邊度呢？

就係去冒險樂園啦！