2009平安夜晚上恩祈穿好Dora聖誕睡衣同放好聖誕襪在床頭，然後祈禱話："天父我係個乖孩子，求你叫聖誕老人送一份聖誕禮物比我啦，我想要黃色的聖誕禮物。"我話妳要黃色的聖誕禮物就送妳一條黃色的大香蕉啦。佢居然話好呀，真係夠哂天真可愛。
聖誕節早上佢一起身望上床頭的聖誕襪就話見到有隻手叉咗出嚟，我驚呼話聖誕老人嚟咗呀，佢見到襪入面有個睡公主Aurora雖然睡眼惺忪卻顯得非常驚喜，話聖誕老人昨晚靜雞雞從口爬入來送禮物比佢，我叫佢要繼續乖呀出年聖誕老人又會探佢。
成個朝早就係玩個公仔同匹馬啦，匹馬我話係婆婆送比佢嘅聖誕禮物，其實同公仔係一套嘅，婆婆至係送禮物的人。
下午約咗舅父去新都會廣場飲下午茶，順便睇吓"藍寶石王子"的展覧。
估唔到啲公仔同場景咁靚，睇番啲人物真係好復古呀！
番到屋企，又攞埋契媽送的Belle同Aurora繼續玩，恩祈就這樣開開心心的過了一個簡單的聖誕節。Merry X'mas to Yankie!
沒有留言:
張貼留言