史諾比喜迎60珍藏展@新城市廣場

2009.12.29    今日去沙田睇史諾比喜迎60珍藏展，之前先行一田掃貨同係樓下食上海嘢，呢度下午茶又平又大份，啱晒我哋啲又慳家又大食嘅人，嘻嘻！

所有Snoopy都畫到鬼五馬六，話係全球頂尖插畫家非凡傑作，我剩係鍾意下面恩祈右邊個法國藝術家畫嗰個，因為正常可愛啲。

毛公仔仲得意

原來要在商場購物滿唔知幾百蚊或捐20蚊至可進場，因此唔駛排隊又唔算多人，新城市又幾好喎，shopping仲有Starbucks $25禮券送，其他商場冇咁多好嘢。

出去Snoopy Town玩船仔點知天陰close咗，又教識恩祈此謂"可惜"！

亦由於天陰平日都好多人Snoopy Town居然靜英英，已經好耐冇在此影相，上次嚟影恩祈得九個月大，只可以坐在Snoopy頭頂，而家已經同Snoopy一樣高，只係唔夠三年光景，細路真係快高長大。